फेसबुक र मोबाइलबाट केटीलाई अश्‍लिल मेसेज पठाउने युवक खोरमा

काठमाडौं : सामाजिक सञ्जाल फेसबुक र मोबाइल फोनमार्फत केटी साथीलाई अश्‍लिल मेसेज पठाएर यातना दिने एक युवकलाई प्रहरीले पक्राउ गरेको छ।

पक्राउ पर्नेमा हुम्ला सिमीकोट गाविस–३ बस्ने २८ वर्षीय घमन रोकाया भन्ने गमान रोकाया छन्। महानगरीय अपराध महाशाखाले साउन ६ गते हुम्लाको सिमिकोटबाट पक्राउ गरेर उनलाई काठमाडौं ल्याएको हो। केटी साथीका विभिन्न अश्‍लिल फोटो तथा भिडियो अपलोड गरी आफन्त र अन्य साथीहरुलाई पठाएर मानसिक रुपमा यातना दिने काम उनले गरेको प्रहरीको अनुसन्धानबाट देखिएको छ।

फेसबुक र मोबाइल फोनबाट सेक्स गरौं भन्दै पटकपटक धम्कीपूर्ण मेसेज पठाएर दबाब दिने गरेको पीडित युवतीले बताएकी छिन्। प्रहरीले रोकायले प्रयोग गरेका ल्यापटप १ थान, मोवाईल १ थान, सिमकार्ड १ थान र मेमरीकार्ड २ थान पनि बरामद गरेको छ।


रोकायालाई काठमाडौं ल्याई प्रारम्भिक अनुसन्धान पश्चात बिद्युतीय कारोवार ऐन अन्तर्गतको मुद्धामा आवश्यक अनुसन्धान र कारवाहीको लागि महाशाखाले शुक्रबार महानगरीय प्रहरी परिसर काठमाडौ पठाएको छ।
annapurnapost.com

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.